INSP-TL, 10 Jullu 2026___Institutu Nasional Saúde Públika Timor-Leste (INSP-TL), liu hosi Diresaun Nasional Saúde Públika, realiza workshop manajementu kazu asu tata, iha salaun Auditorium INP-TL, Comoro, Kampungbaru.

Objetivu ba workshop refere, atu kapasita diak liu tan koñesimentu no abilidade ba Pesoal Saúde Sira hanesan Mediku, Enfermeiru, Parteira no Pontu Fokal Vigilansia hodi bele hasa’e koñesimentu ba jestaun asu tata, liu hosi Manajementu Kanek (Dog Bite Management), Terapéutika PrEP no PEP, Manejamentu Klíniku Rábia Humana no Tékniku Rekolla Amostra.

Alende workshop ne’e abertura hosi Diretora Geral Administrasaun INSP-TL Sra. Tomasia A.M. do Rosario e Sousa, SKM. Iha abertura DGA hateten, workshop ba loron ohin hanesan oportunidade ida ne’ebé partenente atu ita hanoin fila fali no relembra fali oinsa atu halo jestaun ba kazu raiva wainhira mosu kazu ruma ne’ebé relevante ho surtu raiva.

Workshop ne’e sei hala’o deit ba pessoal saúde sira hosi Munisipiu sira ne’ebé Nessesita hanesan: Aileu: 12 Pessoas, Ainaro: 12 Pessoas, Manufahi: 13 pessoas no Liquica : 12 Pessoas. Partisipante kompostu husi: Mediku, Enfermeiru, Parteira, Responsavel Programa Vijilansia, EPI no Tekniku Laboratoriu. Total partisipante hamutuk na’in: 49 Pessoas.