INSP-TL, Segunda-Feira, 06 Jullu 2026__Diretora Geral Administrasaun Institutu Nasional Saúde Públika Timor-Leste Sra. Tomasia A.M. do Rosario e Sousa, SKM. Prezide Serimónia Isar Bandeira Nasional ba Primeiru Semana Fulan Jullu Tinan 2026, Iha Resintu INSP-TL Comoro, Kampungbaru.

Iha Isar bandeira refere responsavel hosi, Unidades kompostu hosi Unidade Jestaun i Parseria, Unidade Apoiu Juridiku, Unidade Garantia Qualidade, Unidade Etika Peskíza i Dezenvolvimentu inklui Gabinete Konsellu Diretivu INSP-TL

Liu hosi oportunidade ida ne’e hakarak hato’o liu-liu ba dirijente sira hotu kata, oinsa ezekuta nafatin ba Planu Asaun Annual tinan 2026, atu aselera ba ezekusaun orsamentu ne’ebé maka planeadu ona. Informa mos ba ita hotu katak prepara no identifika fila fali planu ba tina 2027 nian. Diretora mós akresenta tan katak, iha fulan ida ne’e sei hala’o selebrasaun Nasional saúde ne’ebé sei realiza iha Munisipiu Viqueque, nune’e informa ba funsionariu ne’ebé maka hetan nomeasaun no responsabiliza iha eventu ba loron Nasional saúde iha tinan ida ne’e husu atu halo komunikasaun no halo koordenasaun ho servisu sentrais atu halo preparasaun ba selebrasaun iha iha Munispiu Viqueque.

Alende isar Bandeira, Diretora mós informa ba funsionarius INSP-TL katak, mantein nafatin disiplina bazeia ba tarefa servisu kada Diresaun hotu-hotu no koopera malu nafatin oinsa atu lori instituisaun ne’e ba oin.

Serimonia isar Bandeira ne’e partisipa masimu hosi Diretores Jerais, Diretores Nasionais, Diretores Unidades nomos Funsionarius INSP-TL.