Tuir previsaun husi autoridade meteorolojia nasional, Timor-Leste iha probabilidade aas (80%) atu hasoru fenomena El Niño ho intensidade moderadu to'o forte durante periodu ne'ebé naruk. Fenomenu klimatiku ida ne'e bele hamosu redusaun precipitasaun (udan menus), aumentu temperatura aas liu normal no bailoron prolongada (naruk).

Maski El Niño hanesan fenomenu klimatiku natural, nia impaktu bele afeta diretamente saúde pública, segurança alimentar e nutricional, segurança bee e resiliência komunidade. Tamba ne'e, importante tebes atu governu, setor saude no komunidade implementa medidas preparasaun no mitigasaun husi agora.

Tanba sa maka setor saude presiza preokupa?

Mudansa klimatika relasiona ho El Niño bele altera perfil epidemiolojiku no distribuisaun moras iha komunidade. Bainhira presipitasaun menus no temperatura aumenta durante periodu naruk, risku ba morbilidade no mortalidade relasiona ho ambiente bele aumenta.

Timor-Leste kontinua vulneravel tanba parte boot husipopulasaun depende ba agrikultura subsistensia, udan ben no fonte bee natural sira ba moris lorloron. Bele refere ba infografia ne'ebe anexu no mos fontes notísia RTTL iha link tuir mai ne'e