HNGV, 09 Juñu 2026___Institutu Nasional Saúde Publika Timor-Leste (INSP-TL), liu hosi Diresaun Nasional Formasaun kolabora hamutuk ho Governu Australia no Fiji, faselita formasaun National Critical Care And Trauma Response Center (NCTRC) ba profesional saúde, Dosentes hosi Nivel Akademiku, Bombeiros, PNTL no F-FDTL, durante loron tolu (3) Iha, Salaun Enkontru HNGV, Bidau Tokobaru, Dili.

Objetivu hosi formasaun ne’e maka, ho ninia prinsipal foka liu ba oinsa uja maneira ida ne’ebé maka estruturadu hodi halo atendementu ba iha kazu dezastre sira, iha Timor-leste hanesan area ida ne’ebé maka risku ba dezastre exemplu; Rai nakdoko, Tsunami, asidente trafiku ne’ebé loron-loron nomos insendiu. Liu hosi formasaun ida ne’e maka bele hasa’e abilidade no kuinesementu ba profesional saúde sira oinsa bele hatene no kompriende ho diak.

Entretantu formasaun ne’e envolve hosi profesional saúde liu-liu servisu saúde Munisipal Dili, nune’e mós Sentru saúde hirak ne’ebé kompostu iha Dili, Servisu Nasional Ambulansia Emergency Medical, Bombeiros, PNTL, F-FDTL nomos formandu sira hosi Universidade.

Alende formasaun ne’e abertura hosi Diretor Jeral Tékniku Sientífiku Sr. Gregorio Rangel, Iha abertura Diretor Jeral Tékniku Sientífiku hateten, esperansa boot ida liu hosi kursu ida ne’e bele eleva formanda sira nia kuinesementu hodi nune’e bele lori fila fali kuinesementu ida ne’e liu hosi faze tolu mak hanesan, primeira bele fahe fila fali ba iha ita boot sira nia afatin, segundu bele halo atendementu ba komunidade sira ne’ebé maka hetan dezastre presiza ita boot sira nia tulun no terseiru mai hosi Institutu Akademiku mós bele entegra mos iha kurikulum iha futuru.