Diretor Nasional Formasaun INSP-TL Abertura ba Treinamentu Ultrasonografia Obstétrika no Jinekolójika Báziku (POCUS)
INSP-TL, 08 Outubru 2026___Diretor Nasional Formasaun INSP-TL Sr.Amelito Gomes, hala’o abertura ba treinamentu Ultrasonografia Obstétrika no Jinekolójika Báziku (POCUS) ba professional saúde 10 pessoas iha salaun auditorium INSP-TL, Comoro Kampungbaru.
Objetivu ba treinamentu ne’e, atu hasa’e konesimentu no kapasidade tékniku no abilidade prátika ba professional saúde inklui médico no parteira sira iha area ekografia bazika ba obstetrika no jinekolojia. Alende treinamentu refere hala’o durante loron neen (6) hahu hosi loron 08 fulan outubru tinan 2026 to’o 14 fulan outubru tinan 2026, total formandu 10 pessoas mane 5 no feto 5, ne’ebé mai hosi Munisipiu Baucau, Bobonaro, Covalima, Ermera, Oecusse, Manufahi no Viqueque. Diretor Nasional Formasaun INSP-TL Sr. Amelito Gomes, iha abertura hateten, atu dehan deit katak, treinamentu ida ne’e INSP-TL servisu hamutuk ho parseiru UNFPA no iha programa mós ho parseiru FRONTLINE ne’ebé maka dirji hosi Dr. Jose Antonio Gusmão Guterres (Zeto), ne’ebé maka sai hanesan mentor ba iha treinamentu Ekografia.
Treinamentu ida ne’e fó oportunidade ba formandu sira durante loron neen (6) uja ho maximu nune’e saida maka ita boot sira hetan hosi formador sira bele ajuda ona ita boot sira nia abilidade wainhira implementa fila fali iha ita boot sira nia servisu fatin nomos bele dezenvolve kuinesementu iha area Ekografia ninian. Relasiona ho formasaun ida ne’e iha téoria nomos iha prátika tanba ne’e husu ba formadu sira atensaun maximu ba iha treinamentu ida ne’e durante loron nee (6) nia laran.
Notisia atual sira:
DISKUSAUN ESBOSU SOP BA PARSERIA TÉKNIKA INSP-TL
INSP-TL, 16 Outubru 2026 — Institutu Nasionál Saúde Públika Timor-Leste …
AVIZU! KONA-BA KOMUNIKASAUN NO KOORDENASAUN PROJETU PESKÍZA SAÚDE
Institutu Nasional Saúde Públika Timor-Leste (INSP-TL), liu hosi Gabinete Presidente …
Koalia konaba Kualidade aar; Saida maka PM-2.5 no PM-10?
Ita hatene katak material particulado fino ka (Small Fine Particles) ne'e ki'ik tebes no se…
DISKUSAUN TEKNIKU BA ESBOSU AKT ENTRE INSP-TL HO DMC
INSP-TL, 14 Outubru 2026___Institutu Nasional Saúde Públika Timor-Leste (INSP-TL) liu…
SERIMONIA ENSERAMENTU ESTUDANTE ESTAJIADUS HUSI ICS, DURANTE FULAN RUA IHA LABORATORIU NASIONAL SAÚDE (LNS)
LAB Saude /BIDAU TOKO-BARU, 09 Outubru 2026___Diretor Jeral Laboratoriu Saúde INSP-TL Sr. Ma…
DILI—Equipa husi Instituto Nacional Saude Publica Timor-Leste (INSPTL) hala’o enkontru servisu ho Teknolojia Informasaun no Komunikasaun (TIC Timor) hodi ko’alia kona-ba parseria estratéjika ba digitalizasaun no fortifikasaun servisu administrativu.
Enkontru ne'ebé hala'o iha salaun enkontru TIC Timor, husi parte INSPTL lidera husi …