Dili, 7 Outubru 2026 — Unidade Apoiu Jurídiku (UAJ) – Instituto Nacional da Saúde Pública de Timor-Leste (INSP-TL) realiza atividade disseminasaun kona-ba Decreto-Lei N.º 84/2022, de 23 de Novembro, kona-ba Orgânica do INSP-TL, no Decreto-Lei N.º 20/2026, de 15 de Julho, kona-ba taxa ba realizasaun exames laboratoriais iha instituisaun Serviço Nacional de Saúde.

Atividade ne’e realiza iha Sentru Saúde Becora, Postu Administrativu Cristo Rei, ho objetivu atu hasa’e koñesimentu no komprensaun ba funsionáriu no profisionál saúde sira kona-ba Decreto-Lei N.º 84/2022 no Decreto-Lei N.º 20/2026, hodi fasilita implementasaun diploma legal sira-ne’e ho loos no efetivu. Atividade hahú ho liafuan abertura husi Diretor Unidade Apoiu Jurídiku, tuir mai ho sesaun apresentasaun lidera husi Assessor Jurídiku no moderadu husi Tekniku Jurídiku. Sesaun apresentasaun aborda aspetu importante kona-ba estrutura, atribuisaun no kompeténsia INSP-TL, tuir Decreto-Lei N.º 84/2022, no mos kona-ba taxa ba exames laboratoriais, tuir Decreto-Lei N.º 20/2026. Partisipante sira mos hetan oportunidade atu halo perguntas no hetan esklaresementu.

Iha ikus, Diretor Unidade Apoiu Jurídiku hato lia menon enseramentu, ho apelu ba partisipante sira atu kontinua aumenta koñesimentu jurídiku no implementa diploma legal sira ho responsabilidade. Atividade ne’e reflete kompromisu UAJ-INSP-TL atu kontinua promove disseminasaun legislasaun no literasia jurídika, hodi apoia implementasaun lei no prestasaun servisu saúde públiku ne’ebé efetivu.